कुकुर कटायेन

मुरारी लाल साव

 

खच्चखच ले हाल भरे रहिस l

बड़का आदमी आये रहीस l बड़े -बड़े मैनखे मन मंच म बइठे रहिन l खालहे म सब कार्य कर्ता मन  हाथ ला उठावत सुनत रहिन l

बड़े -बड़े गोठ होवत रहिस l

नदिया म पानी रहे चाहे झन रहे इंखर बानी ला सुनके अइसे लगत रहीस इहाँ पूरा आगे हें l
एके बात म निर्णय होना रहिस उही बेरा चेंदवा मुड़ी के एक झन आदमी खड़े होके कहिथे -" झोला दें  घूम घूम के चंदा उही म लाना हे l" 
खालहे म बइठे मन के बीच खलबली मच गे l 
कुकुर मन कस दाँत खिसोर के  गुर्राना  एक दूसर के मुड़ी हाथ ला धरी के धरा होना शुरू होगे l  जेन ला झोला के जिम्मेदारी मिलथे ओकर रुतबा बाढ़ जथे l पलटी मार पलटू ला मिलगे l
जगतु के जी कचौवट रहिगे l 
'राम रमायेन तिहाँ,कुकुर कटा येन l '

फ़ेर चेंदवा मैनखे कहिस -" चंदा भरे -धरे बर नोहय  झोला ह, ...एमा तो
फूल भर के लाना हे l  
'कुकुर कटायेन बंद करो l बस खांव -खांव   तुंहर मन के l थोकिन धीर धरे राखे करव l " 
थोकून रुक के फेर कहिस -
"बस तुमन उल्टा सोचत रहिथव 
मया पाये बर फूल बरसाओ l
बड़े बड़े गज़माला पहिनाओ l "
 अतका सुन हाल म  शान्ति छागे l जगतु  मने मन कहिस 
बारा आना  गये पाकिट म l 
खा पी के  उड़ाही  काला धराही l पलटू दिही खाली झोला? 

          कुम्हारी