छत्तीसगढ़िया सबले बढ़िया
अब कइसे के जनावत हे ?
हमरे घर आ के, खा पी के
हमी मन ल धमकावत हे !
जेंमा ओमन खाथें / पिथें
छेदा करिन उही पतरी ल
जूटहा मन सब रोप डरिन
खेत,सड़क,तरिया-पचरी ल !
उँखर ह देबी -देवता आय
अउ हमर ह होगे हे आन,
बाहिर ले आ के राज करे
अउ हम हमरे घर बिरान !
हमर पुरखा के मान नइ करे
तोला कइसे जनागे अपन बर,
अपन के बड़ई अउ हमर बुरई
अइसन कोन सहिथे अपने घर !
कब तक ले गुलामी करहू
वाह रे ! मोर छत्तीसगढ़िया,
छत्तीसगढ़ के दुलरुवा बेटा
कइसे बन गेव रे परबुधिया !
छत्तीसगढ़िया सबले बढ़िया
बस ये नारा म झन भुलाहु ,
अपन असमिता के मान रखौ
नइ ते सीधा धारे- धार बोहाहु !
-- राजकुमार 'मसखरे'
अब कइसे के जनावत हे ?
हमरे घर आ के, खा पी के
हमी मन ल धमकावत हे !
जेंमा ओमन खाथें / पिथें
छेदा करिन उही पतरी ल
जूटहा मन सब रोप डरिन
खेत,सड़क,तरिया-पचरी ल !
उँखर ह देबी -देवता आय
अउ हमर ह होगे हे आन,
बाहिर ले आ के राज करे
अउ हम हमरे घर बिरान !
हमर पुरखा के मान नइ करे
तोला कइसे जनागे अपन बर,
अपन के बड़ई अउ हमर बुरई
अइसन कोन सहिथे अपने घर !
कब तक ले गुलामी करहू
वाह रे ! मोर छत्तीसगढ़िया,
छत्तीसगढ़ के दुलरुवा बेटा
कइसे बन गेव रे परबुधिया !
छत्तीसगढ़िया सबले बढ़िया
बस ये नारा म झन भुलाहु ,
अपन असमिता के मान रखौ
नइ ते सीधा धारे- धार बोहाहु !
-- राजकुमार 'मसखरे'
कोई टिप्पणी नहीं:
एक टिप्पणी भेजें