- पीसीलाल यादव
मोर जिनगी म उजियार, होगे गऊकी तब ले ।
मैं मया के आखर, तैं भाखा पिरित के,
अंतस ले झरे निसदिन, झिरिया रे गीत के ।
तोर पिरित के बिरवा, लगायेंव मन में जब ले,
मोर जिनगी म तिहार, होगे हे गऊगी तब ले ।
आ देख ले गोई तैं, मोर मन ल फरिया के,
तोर सुरता ल राखे हँव, मैंं हा घरिया के ।
तोर मया के चि नहा, धरेंव मन में जब ले,
मोर जिनगी के सिंगार, होगे हे गऊकी तब ले ।
पानी कस जुड़ अऊ, आगी कस तात रे,
पिरित करइया ह जानै, पिरित के बात रे ।
तोर गोठ ल मया के, गँठियायेंव मन में जब ले,
मोर जिनगी म बहार, होगे गऊकी तब ले ।
- गंडई - पण्डरिया, जिला -राजनांदगांव (छ.ग.)
- मोबाइल - 94241 - 13122
कोई टिप्पणी नहीं:
एक टिप्पणी भेजें