थनवार निषाद '' सचिन ''
सावन निकलिस अउ बुलकिस हे, राखी के तिहार,
तीजा लेबर आवत होही, मोर मइके के लेनहार।
भतीजा ला देखे बर, नयना हा तरसत हे,
भउजी संग गोठियाय बर, हिरदे हा हरसत हे।
गजब दिन मा मिलही, दाई के मया-दुलार...
गंगाजल अउ भोजली मन, नंगते के खिसियासी,
चिटठी - पाती काबर नई भेजे, कहिके वो ओरियाही।
घुना कीरा कस मँय हर होगेंव, आ के मँय ससुरार...
कइसे मनाहूँ मोर धनी ला, रिसहा वोकर बानी,
निंदई-कोड़ई के दिन-बादर हे, कर ही आनाकानी।
अंगठी गीनत दिन काँटत हँव, पल हा लगे पहार...
भउजी संग गोठियाय बर, हिरदे हा हरसत हे।
ग्राम - ढोढि़या ,पो. - सिंघोला
जिला - राजनांदगांव ( छ.ग.)
तीजा लेबर आवत होही, मोर मइके के लेनहार।
भतीजा ला देखे बर, नयना हा तरसत हे,
भउजी संग गोठियाय बर, हिरदे हा हरसत हे।
गजब दिन मा मिलही, दाई के मया-दुलार...
गंगाजल अउ भोजली मन, नंगते के खिसियासी,
चिटठी - पाती काबर नई भेजे, कहिके वो ओरियाही।
घुना कीरा कस मँय हर होगेंव, आ के मँय ससुरार...
कइसे मनाहूँ मोर धनी ला, रिसहा वोकर बानी,
निंदई-कोड़ई के दिन-बादर हे, कर ही आनाकानी।
अंगठी गीनत दिन काँटत हँव, पल हा लगे पहार...
भउजी संग गोठियाय बर, हिरदे हा हरसत हे।
ग्राम - ढोढि़या ,पो. - सिंघोला
जिला - राजनांदगांव ( छ.ग.)
कोई टिप्पणी नहीं:
एक टिप्पणी भेजें